Que é Vedrea?
VEDREA é un termo que expresa dinamismo, identidade, solidariedade, sinerxia…
Ante esta situación de emerxencia, xurde esta iniciativa sociocultural baixo a idea de poñer en valor “quen somos” e “o que somos capaces de facer” de forma colectiva.
Pois sí, somos un concello cunha veciñanza activa, con asociacións con proxectos de interese… pero sobre todo con xente con moitas ideas que agardan o momento de darlle vida e de compartilas.
Ese momento chegou, e convidámosvos a participar neste laboratorio social no que pretendemos xerar un espazo de encontro, de cultura, de creación, de solidariedade e de recuperación “do noso”.
Esta proposta estará dinamizada desde a acción de voluntariado.
O Proxecto Vedrea sostense en 3 actividades:
• BANCO DE RECURSOS COMPARTIDOS
• MAPA EMOCIONAL DE VEDRA
• DE VEDRA NO MUNDO
A ver… vedreamos?
Banco de recursos compartidos
E se compartimos recursos para facer máis levadeiro o tempo que debemos quedar na casa?, e se aproveitamos ese tempo en clave educativa e cultural?
Esta é a base do “Banco de recursos compartidos”. Un espazo para poñer en valor e para aproveitar tanto os recursos municipais, como os asociativos e mesmo os individuais.
Que hai que facer?
- Se es asociación, envíanos a túa proposta; exemplo, un vídeo cunha clase de teatro, de baile tradicional, música, deportes; calquera outro recurso…
- Se es familia ou persoa individual, envíanos a túa proposta; exemplo, o vídeo dunha manualidade ou dun xogo, unha lectura, acción deportiva, un baile ou canción, unha receta de cociña, música, lenda, conto, chiste, anécdota, historia…sede creativos/as.
A quen vai dirixido?
Ao publico en xeral, especialmente á cativada e ás súas familias.
Onde se vai a difundir?
Neste mesmo espazo web.
Que características deben ter as propostas?
Se son vídeos, que non teñan unha duración superior a 5 minutos.
Se son documentos, a extensión é libre.
A onde as enviamos?
Enviade as vosas propostas ao seguinte correo electrónico: brcvedrea@gmail.com. Cada recurso que se envíe debe de estar acompañado pola ficha que se xunta e a autorización para a súa publicación.
PROPOSTAS ASOCIATIVAS
- Asociación Raiceiros: Caderno Ulla Naturalmente.
- Asociación Raiceiros: Coplas Ulláns. Cantigas da Ulla.
- Olímpico de Vedra: Secuencia 1 técnica de carreira.
- Olímpico de Vedra: Secuencia de forza 1.
- Olímpico de Vedra: Secuencia de forza 2.
- Asociación Xuvenil Dorna: Xogo do tempo.
- Judo Vedra: Aula virtual.
- Asociación cultural Papaventos: Contos 1.
- Asociación cultural Papaventos: Contos 2.
- Asociación cultural Papaventos: Contos 3.
- Asociación cultural Papaventos: Manifesto.
- Asociación Cultural San Campio. Baile tradicional.
- Asociación Cultural San Campio. Música tradicional 1.
- Asociación Cultural San Campio. Música tradicional 2.
- Asociación Cultural San Campio. Clases de guitarra.
- Asociación Raiceiros: Exposición virtual ‘As pontes do río Ulla’ .
- Asociación Senunpeso: Curtas LAV.mov 2018.
- Asociación Senunpeso: Curtas LAV.mov 2019.
- Asociación Medioambiental Amabul: Concurso de ideas, en familia, na casa.
- Asociación Medioambiental Amabul. A bolsa da merca.
- Asociación Medioambiental Amabul. Como facían antes… depuración natural.
- Asociación Medioambiental Amabul. Como facían antes… comida rápida.
- Asociación Medioambiental Amabul. Como facían antes… masa nai.
- Asociación Medioambiental Amabul. Como facían antes… loción capilar.
- Asociación Medioambiental Amabul. Como facían antes… para combater os mosquitos.
- Colectivo do CPI de Vedra: Vedra Medra, Xente con Oficio.
- Asociación Cultural San Campio. Serán das Letras.
- Sociedade Parroquial de Vedra. Dende Bos Aires, Vedra medra na casa.
PROPOSTAS PERSOAIS-FAMILIARES
- Fran Rey: Sesión GAP.
- Tania Garabatos: Taboa de tonificación.
- Estrella: Axuda persoal.
- Montse: Bailoterapia 1.
- Montse e Noa: Bailoterapia 2.
- Samuel Vila: Tradichallenge.
- Henrique Neira: Como atopar libros galegos.
- Jesús Sainz: Sesión aeróbica e de forza.
- Daniela Cantillo: Coreografía.
- Lucía Lagares: Sesión de mobilidade.
- Orlando Villasenín: Bananarama.
- Alberto: Xogar ao xadrez en internet.
- Delio: Clases de pintura.
PROPOSTAS INSTITUCIONAIS
- Materiais didácticos do Programa Educativo Ulla Elemental. Unha boa alternativa para achegarnos á realidade municipal coñecendo unha parte do patrimonio natural e histórico-cultural de Vedra. Atoparémonos con centos de actividades (algunhas delas deben de ser adaptadas, debido a que non podemos saír da casa). Os 4 recursos cos que contamos son: “A camelia”, As festas”, “A auga” e “A emigración”. Moito ánimo nesta descuberta!
- #aculturasegue.
- GaliciaLe.
- Galicia, na túa casa.
- Medrar en galego.
- Biblioteca Xacobea.
Mapa emocional de Vedra
Queremos crear un mapa emocional do concello. Os mapas emocionais son ferramentas para “comprenderse” (de onde vimos, onde estamos, cara onde vamos). Nel recóllense emocións, sentimentos…
As imaxes-fotografías teñen un potencial enorme, por iso a nosa proposta xira entorno a artellar unha recollida de fotografías anteriores ao ano 2000, e á creación dun arquivo para a construción dun mapa emocional de todo o municipio.
Nestes días que estamos na casa, e no que o tempo é case todo noso, propoñemos que rebusquedes nos “caixóns e nos álbumes” e que compartades “momentos familiares para o recordo”. Neste proceso seleccionade fotografías que teñan que ver coa vida cotía da veciñanza vedresa: festas, entroido, escola, familias, traballos, deportes, celebracións… Unha vez elexidas as fotografías máis representativas, escaneádeas e compartídeas, enviándoas ao seguinte correo electrónico: vedraemocional@gmail.com.
Cada fotografía que se envíe debe de estar acompañado pola ficha que se xunta e a autorización para a súa publicación.
O paso seguinte, será organizar todo este material, arquivalo e darlle o formato oportuno para a súa difusión.
Aproveitemos este momento para “recoñecernos no pasado”, e para compartilo coas xeracións máis novas, tanto no ámbito das casas, como no marco do concello!
De Vedra no Mundo
O obxectivo desta proposta é visibilizar ata onde chegou a xente de Vedra no mundo!; tanto de viaxe, como de excursión, por traballo (puntual), emigrada, estudos-formación, outras…
Para iso, envía unha foto identificando a persoa ou persoas e o lugar (elemento simbólico, cidade-sitio, país….) a devedranomundo@gmail.com. Debe de estar acompañada pola ficha que se xunta e a autorización para a súa publicación.
Ti sabes ata onde chegou a xente de Vedra?, quen chegou máis lonxe?, a que países?, estivemos en tódolos continentes?
Aquí temos unha boa maneira de saber máis de nós!. Ata que parte do mundo levamos a Vedra?
